Туысының телефонын ұрлап кеткен ер азамат қолға түсті
Жамбыл облысы, Байзақ ауданында полицейлер ұрлық жасады деген күдікке ілінген ер адамды ұстады. Бұл туралы Жамбыл облыстық полиция департаментінің баспасөз қызметі хабарлады.
Алматы, NEGE. 44 жастағы әйел көлігін үйдің ауласына қойып, есіктерін құлыптауды ұмытып кеткен. Ол кейінірек көліктегі ұялы телефонының жоғалғанын байқаған. Келтірілген залал сомасы 170 мың теңге.
“Жедел-іздестіру іс-шараларын өткізу барысында полиция қызметкерлері ұрлыққа қатысы бар 20 жастағы жігітті анықтады. Ол жәбірленушінің туысы болып шықты. Қазіргі уақытта сотқа дейінгі тергеу жүргізілуде. Ұсталған адам кінәсін мойындады”, деділген Жамбыл облыстық ПД хабарламасында.
Сондай-ақ полиция көлік иелеріне сақ болуға, терезелері мен есіктерін ашық қалдырмауға, көлік құралдарын мамандандырылған автотұрақтарда, жарықтандырылған жерлерде немесе бейнебақылау камераларының көріну аймағында қоюға кеңес береді.
