Трамвай паркі жаңартылады
Өскемендегі трамвайлардың жаңартылмағанына 30 жылдан асты. Осының кесірінен кейбірінің жүруінен тұруы көп.
Алматы, NEGE. Тіпті жолаушыларды тасымалдау кезінде рельстен шығып кететін келеңсіз жағдайлар да жиі кездеседі. Сондықтан 4 жыл бұрын қалалық трамвай паркі жеке қолдан мемлекеттің қарамағына өтіп, коммуналдық мекеме болып қайта құрылған.
Нәтижесінде былтырдан бері вагондар жаңаланып, тозығы жеткен рельстер ауыстырыла бастады.
Автобусқа қарағанда трамвай көп шығынды қажет етпейді. Ең бастысы, экологиялық тұрғыдан да пайдалы. Бірақ қазір жолаушы тасымалдап жүрген трамвайларға 35 жыл болған. 80 процент ескірген.
«Қазір қолданыста жүрген трамвайлар әбден тозды. Кейде бағыттан алып тастауға мәжбүр боламыз. Толық тексеруден өткізіп, қажетті бөлшектерді алуға өте көп қаражат керек. Механиктердің есебі бойынша желіге шығатын 14 вагонды ай сайын жөндеу үшін кем дегенде 1 миллион теңге керек. Жалпы трамвай паркін бастан-аяқ жаңалау мәселесі тұр» трамвай паркінің шебері Виктор Круглов.