Трамптың салық енгізуінен кейін Мексикада көлік зауыттары жабылды
АҚШ президенті баж салығын енгізгеннен кейін Мексика мен Канадада "Стеллантис" ((Stellantis)) автомобиль холдингіне тиесілі зауыттар жабылды. Бұл туралы "Ассошиэйтед Пресс" ((Associated Press)) агенттігі хабарлады.
Алматы, NEGE. 5 жарым мың адам бірден ақысыз мәжбүрлі демалысқа жіберілді. Мексикадағы жұмысшылар 1 аптадан соң, ал олардың канадалық әріптестері 1 айдан кейін ғана жұмысқа қайта орала алады.
Қазір қос елдің билігі АҚШ үкіметімен тарифтерді жеңілдету бойынша келіссөз жүргізіп жатыр. Мексика алдағы аптада Вашингтонға Экономика министрінің жетекшілігімен арнайы делегация жібермек.
Естеріңізге сала кетейік, Дональд Трамп АҚШ-та басқа елде өндірілген көліктер мен автобөлшектрді әкелуге 25 пайыздық баж салығын енгізді. Бұл талап 3 мамырдан бастап күшіне енуі тиіс.
