Дүние
Трампқа тағы да қастандық жасалмақ болды
АҚШ президенттігіне үміткер Дональд Трампқа үшінші рет қастандық жасамақ болған қарулы адам ұсталды.
Алматы, NEGE. «Біз тағы бір қастандық әрекетін тоқтатқан сияқтымыз», - деп хабарлады Риверсайд округінің шерифі Чад Бианко.
Трамптың кезекті сайлауалды үгіт-насихаты кезінде сөз сөйлейтін ғимарат алдындағы бақылау-өткізу бекетінде бір адамды ұсталған. Ер адам Лас-Вегастың 49 жастағы тұрғыны Вам Миллер есімді азамат болып шықты. Оның көлігінен шолақ мылтық, оқталған тапанша табылды. Ер адам тәртіп сақшыларына қарсылық танытпай ұсталды.
Ол Трамп үгіт-насихат жүргізетін жерге жалған рұқсат қағазын көрсетіп, өтіп кетпек болған.