Трамп өз елінің штаттарын шатастырды
Импичмент дауымен басы қатып жүрген АҚШ президенті Дональд Трамп тағы бір ыңғайсыз жағдайға қалды. Ол Американың Ұлттық футбол лигасының ақтық ойыны – Супербоул жеңімпаздарын құттықтау сәтінде штаттарды шатастырып алды.
Алматы, NEGE. «Канзас-Сити чифсті» керемет ойынымен және үлкен қысымға қарамастан жеңіліп тұрып ойынға қайта орала алғанымен құттықтаймын. Сендер Канзас штаты мен бүкіл АҚШ-тың намысын қорғадыңдар. Еліміз сендермен мақтанады», — деп жазды Трамп өзінің Твиттер парақшасына.
3-ақпанға қараған түні «Канзас-Сити чифс» командасы 50 жылда тұңғыш рет Супербоул жеңімпазы атанған еді. Алайда команда Канзастан емес, Миссури штатынан. Сондықтан аз-кем үзілістен соң президент алдыңғы жазбасын өшіріп, орнына дұрыс нұсқасын жариялады.
Трамптың Твиттердег парақшасына жазылғандар бірден президенттің өз елін жақсы білмейтінін әжуаға айналдырды.
