Трамп жаһандық баж салығын 15%-ға дейін көтерді
АҚШ президенті Дональд Трамп импортқа салынатын жаһандық баж салығын 10%-дан 15%-ға дейін дереу көтеретінін мәлімдеді.
Астана, NEGE. Трамп Truth Social желісінде бұл шешімді Жоғарғы соттың тарифтерге қатысты «Америкаға қарсы» шешімін қарап шыққан соң қабылдағанын айтты.
«Алдағы бірнеше ай ішінде Трамп әкімшілігі заң жүзінде рұқсат етілген жаңа тарифтерді айқындап, енгізеді. Бұл Американы қайта өркендетуге бағытталған», – деп жазды Трамп Truth Social желісінде.
Бұған дейін АҚШ Жоғарғы соты Трамптың өзге елдерге қатысты енгізген тарифтерінің басым бөлігін заңсыз деп таныды. Сот шешімінде президенттің баж салығын біржақты тәртіппен енгізу арқылы өкілеттігін асыра пайдаланғаны айтылды.