Трамп Путинмен кездесуін кейінге қалдырды
АҚШ президенті Дональд Трамп Будапештте Ресей басшысы Владимир Путинмен жоспарланған кездесудің болмайтынын айтты.
Алматы, NEGE. Трамп Будапештте Путинмен әзірге кездеспейтінін мәлімдеді.
«Біз президент Путинмен кездесуді тоқтаттық. Бұл қазір дұрыс шешім емес деп ойладым. Біз күткендей нәтиже бермейтінін сездім. Сол себепті кездесуді болдырмадым. Бірақ болашақта оны міндетті түрде өткіземіз», – деді АҚШ басшысы журналистерге Ақ үйде НАТО Бас хатшысы Марк Рюттемен өткен кездесуден кейін.
Осы апта басында Кремль Трамп – Путин саммиті алдағы бір-екі аптада өтетінін мәлімдеген еді.
