Трамп пен Си Цзиньпин Оңтүстік Кореяда кездесті
ҚХР Төрағасы Си Цзиньпин мен АҚШ Президенті Дональд Трамптың кездесуі Оңтүстік Кореяның Пусан қаласындағы Кимхэ әуе базасында басталды.
Алматы, NEGE. Бұған дейін әуе базасына америкалық әскерилер орналастырылған еді. Дональд Трамп пен Си Цзиньпин Оңтүстік Кореяға Азия-Тынық мұхиты экономикалық ынтымақтастығы саммитіне қатысу үшін келді.
Екі ел көшбасшыларының кездесуі шамамен 1 сағат 40 минутқа созылды.
Бұл екі ел көшбасшысының кейінгі алты жылдағы алғашқы кездесуі. Америка және Қытай делегациялары екі елдің сауда-саттық мәселелерін талқылады.
Трамп келіссөздердің сәтті өтетініне сенім білдіріп, Си Цзиньпинмен өзара қарым-қатынасының тамаша екенін атап өтті.
