Дүние
Трамп АҚШ Бас штабының басшысын қызметінен босатты
Трамп АҚШ Қарулы күштерінің штаб бастықтары біріккен комитетінің төрағасын қызметінен босатты, деп хабарлады Синьхуа ақпарат агенттігі.
Алматы, NEGE. АҚШ президенті Дональд Трамп жұма күні АҚШ Қарулы күштерінің штаб бастықтары біріккен комитетінің төрағасы, әскери-әуе күштерінің генералы Чарльз Браунды жұмыстан босатып, бұл қызметке Әскери-әуе күштері генерал-лейтенанты Дэн Кейнді ұсынатынын мәлімдеді.
Бұған дейін АҚШ Сенаты Говард Лютникті Сауда министрі етіп бекітті. «Cantor Fitzgerald» қаржылық қызмет көрсету компаниясының бұрынғы бас директоры Лютник Трамп кабинетінің 17-ші расталған мүшесі болды. Ол Сауда министрлігі Санақ бюросын, Ұлттық метеорологиялық қызметін, Патент және тауар белілері кеңсесін, Ұлттық мұхиттық және атмосфералық басқарманы, Экономикалық талдау бюросын және Ұлттық азшылық бизнесін дамыту агенттігін басқарады.