Спорт
«Тоттенхэм» Жозе Моуриньюді қызметінен босатты
Лондонның «Тоттенхем» футбол клубы бас жаттықтырушы Жозе Моуриньюді отставкаға жіберу туралы шешім қабылдады, деп хабарлайды Еuronews.
Алматы, NEGE. Клуб басшылығы команданың осы маусымдағы жетістіктеріне көңілі толмады. Қазір команда «Премьер-лигада» жетінші орында. 58 жастағы португалдық жаттықтырушы 2019 жылдың қараша айынан бастап аргентиналық Маурисио Почеттиноның орнын алмастырып команданы басқарды. Моуриньомен бірге оның жаттықтырушылар штабының мүшелері — Жоао Сакраменто, Нуну Сантуш, Карлос Лалин және Джованни Серра да командадан кетеді. Бұқаралық ақпарат құралдары Моуриноның ізбасарлары ретінде «Лейпцигтің» бас бапкері Юлиан Нагельсман мен қазір «Лестер Ситиді» басқарып отырған Брендан Роджерсті атауда. Әзірге команданы «Тоттенхэм» футбол мектебінің тәрбиеленушісі Райан Мейсон жаттықтырады.