Төтенше жағдайлар вице-министрі Түркияға көмекке аттанған құтқарушылардың қалай жұмыс істейтінін түсіндірді
Төтенше жағдайлар жөніндегі бірінші вице-министр Ибрагим Күлшімбаев Түркияға көмекке аттанған қазақстандық құтқарушылардың қалай жұмыс істейтінін түсіндірді, деп хабарлады ТЖМ.
Алматы, NEGE. «Түркияда 14 күнге дейін автономды жұмыс істеуге дайынбыз. Ол үшін құралдарымыз, тамақтарымыз, дәрілерімізді - бәрін апара жатырмыз. Бізді Түркиядағы Қазақстан Республикасының елшілігі күтіп алады, олар қай қалада, қай кезде жұмысты бастау керегін айтады. Біздің құтқарушыларымыз осы қойылған бұйрықты атқаруға дайын», - деді вице-министр.
Жасақ құрамында Қазақстан ТЖМ құтқарушылары, кинологиялық есептер және Апаттар медицинасы орталығының медицина қызметкерлері бар.
Топ қажетті жабдықтармен де, құтқару жұмыстарын жүргізуде көп жылдық тәжірибесі бар құтқарушылармен жасақталды.