Төтенше жағдайлар режимі ресми түрде 11 мамырға дейін ұзартылды
Қазақстанда төтенше жағдайлар режимі ресми түрде 11 мамырға дейін ұзартылды, деп хабарлады мемлекет басшысының баспасөз қызметі.
Алматы, NEGE. «Қазақстан Республикасында төтенше жағдайды енгізу туралы» Қазақстан Республикасы Президентінің 2020 жылғы 15 наурыздағы № 285 Жарлығымен енгізілген Қазақстан Республикасының барлық аумағындағы төтенше жағдайдың қолданысы 2020 жылғы 11 мамырдағы 00 сағат 00 минутқа дейін ұзартылсын», - делінген сәрсенбідегі ҚР президенті Қасым-Жомарт Тоқаевтың жарлығында.
Қазақстан Республикасының Үкіметі орталық және жергілікті мемлекеттік органдармен бірлесіп, осы Жарлықтан туындайтын қажетті шараларды қабылдасын.
Осы Жарлық қол қойылған күнінен бастап қолданысқа енгізіледі.
