Төтенше жағдай: Ұлытауда екі пойыз соқтығысып қала жаздады
Ұлытау облысындағы Қызылжар – Түйемойнақ теміржол стансасы аралығында төтенше оқиға тіркелді. Тек машинистің жедел әрекетінің арқасында қайғылы оқиға болған жоқ. Бұл туралы Kazinform агенттігінің тілшісі хабарлады.
Алматы, NEGE. 24 тамыз күні кешкі сағат 21:38-де Қызылжар – Түйемойнақ теміржол стансасы аралығында (Жарық – Жезқазған участогі) №107 жолаушылар пойызы шұғыл тоқтауға мәжбүр болды. Жолаушылар пойызының машинисі өз жолында жүк пойызы тұрғанын дер кезінде байқап, тешегішті басқан.
– Локомотив бригадасының кәсіпқойлығы арқасында төтенше жағдайдың алдын алу мүмкін болды. Алайда шұғыл тоқтату салдарынан бірнеше жолаушы жеңіл жарақат алды. Адам шығыны болған жоқ, – деп хабарлады «Қазақстан темір жолы» ҰК.
Пойыз қозғалысы 23:14-те қайта қалпына келтірілді. Оқиғаның себеп-салдарын арнайы комиссия анықтайтын болады.