Төрт облыста үсік жүреді
Елімізде төрт облыстың аумағында үсік жүреді. Синоптиктер осындай ескерту жариялады, деп хабарлайды Қазгидромет.
Алматы, NEGE. 8-10 қыркүйекте түнде Солтүстік Қазақстан облысының кей жерлерінде тұман түседі, 1-3 градус үсік жүреді. 8-9 қыркүйекте түнде Жамбыл облысында кей жерлерінде 1-3 градус үсік жүруі мүмкін. 8-9 қыркүйекте кей жерлерде тұман түседі. 8 қыркүйекте түнде Қарағанды облысының кей жерлерінде 1-3 градус суық болады. 8 қыркүйекте түнде Ақмола облысының кей жерлерінде 2 градус үсік жүреді. Кей жерлерінде тұман түседі. 8 қыркүйекте күндіз Қызылорда облысында солтүстік-шығыстан жел соғады, күші кей жерлерде 15-20 м/с жетеді. Күндіз төтенше өрт қаупі сақталады. 8 қыркүйекте күндіз Түркістан облысының кей жерлерінде солтүстік-шығыстан соғатын желдің күші 15-20 м/с жетеді. 8-9 қыркүйекте Ақтөбе облысының оңтүстік-батысында өте жоғары өрт қауіпі күтіледі.
