Дүние
Төрт айда коронавируспен күреске $4,8 млрд жұмсады
Өзбекстан наурыздан шілде айына дейін коронавируспен күреске 49,3 трлн сум ($4,8 млрд) жұмсады. Бұл туралы қаржы министрі Тимур Ишметов Олий Мажлистің жалпы отырысында хабарлады.
Алматы, NEGE. Ишметовтің айтуынша, Дағдарысқа қарсы қор коронавируспен күреске 5,3 трлн сум ($516 млн) бөлген. Кәсіпкерлер мен кәсіпорындарға 1,6 трлн сумның ($155 млн) жеңілдігі жасалды. Коммерциялық банктердің кәсіпкерлерді қолдауына 15,7 трлн. сум ($1,5 млрд) аударылды. 24,5 трлн. сум ($2,3 млрд) несие берілді.
2020 жылдың алғашқы тоқсанында республикалық бюджет кірісі 58,2 трлн сум ($5,6 млрд) болды. Министрдің айтуынша, биыл кіріс 2019 жылдың осы кезеңімен салыстырғанда 7,5 триллион сумға ($730 млн) артқан.