Толқын Забирова: Мамама ауыр болып тұр
Танымал эстрада және опера әншісі Толқын Забирова коронавирус инфекциясын екінші рет жұқтырып алды.
Алматы, NEGE. Бұл туралы әнші өзінің Instagram-дағы парақшасында жазды.
«Екінші рет ауырып қалу мүмкін емес, деп жүріп...Антителаның арқасында жеңілірек өтіп жатыр. Тек мамама ауыр болып тұр. Жасы – 74. Алла шипасын берсін мамама», – деп жазды әнші.
Сонымен қатар, ол уақытында вакцина алған дұрыс екенін атап өтті.
«Дер кезінде прививка алған дұрыс екен. Бір-ақ осындай жаста, үлкендерге салдыруға боларма екен?! Бәріміз аман болайық, ауырып жатқандарға Алла күш-қуат беріп, мына індеттен құтылып, мереке күндерде бас қосайық, достар», – деді Толқын Забирова.
