Спорт
Токио-2020: Мейрамбек Айнағұлов қырғыз балуанынан жеңілді
Токио Олимпиадасында грек-рим күресінен Мейрамбек Айнағұлов алғашқы кездесуде қарсыласына есе жіберді.
Алматы, NEGE. Қазақстандық спортшы 60 келіде қырғызстандық Жоламан Шаршенбековпен шеберлік байқасты. Қарсыласы да осал емес. 2018 жылы әлем чемпионатында күміс жүлдегер атанған. Ал Мейрамбек 2017 және 2019 жылдарда әлем чемпионатында екі медаль алып қайтқан болатын. Бүгінгі белдесуде қырғыз балуаны мықтылығын танытты.
Ол Мейрамбектен 8:0 есебімен басым түсті. Нәтижесінде ширек финалға жолдама алды. Айта кетейік, Олимпиадада енді грек-рим күресінен Демеу Жадыраев (77 келі) пен Нұрсұлтан Тұрсынов (87 келі) ел намысын қорғайды. Еске салсақ, бүгін бокстан Қамшыбек Қоңқабаев (91 келіден жоғары) пен Әбілхан Аманқұл (75 келі) шаршы алаңға шығады.