Токиo - әлемдегі ең бай қала деп танылды
CEOWORLD Magazine журналы әлемдегі ең бай қалалардың тізімін жариялады.
Астана, NEGE. Рейтингте Жапонияның астанасы Токиo қаласы ЖІӨ көрсеткіші бойынша әлемдегі ең бай 300 қала тізімінде бірінші орынға шықты.
Токиo 2025 жылы тағы да Жердегі ең бай қала ретінде мойындалды, оның ЖІӨ көрсеткіші 2,55 трлн долларға жетіп, Нью-Йорк агломерациясын да артта қалдырды, – деп жазылған жарияланымда.
Нью-Йорктің экономика көлемі 2,49 трлн долларды құрады. Үштікті Лос-Анджелес (1,62 трлн) толықтырады.
Одан кейін Лондон (1,47 трлн), Сеул (1,42 трлн), Париж (1,39 трлн), Чикаго (1,25 трлн) және Осака (1,19 трлн) орналасқан.
Зерттеуде топтағы алғашқы 10 қаланың бүкіл әлемдік ЖІӨ-нің шамамен үштен бірін қамтамасыз ететіні атап өтілген. 10-орында – Қытайдың ең бай қаласы Шанхай (1,15 трлн), Пекин 11-орында (1,1 трлн). Мәскеу Сингапурдан кейін (0,988 трлн) 17-орында.
