Тоқаевқа референдумды ұйымдастыру жұмысы туралы мәлімет берілді
Мемлекет басшысы Қасым-Жомарт Тоқаев Орталық референдум комиссиясының төрағасы Нұрлан Әбдіровті қабылдады, деп хабарлайды Ақорда.
Астана, NEGE. Қасым-Жомарт Тоқаевқа республикалық референдумды ұйымдастыру және дайындық жұмыстары туралы мәлімет берілді.
Президент референдумды өткізу барысында ашықтыққа, заңдылыққа және барлық азаматқа тең жағдай жасау қажет екеніне баса назар аударды.
Айта кетейік, 11 ақпанда Мемлекет басшысы республикалық референдум өткiзу туралы Жарлыққа қол қойды. Соған сәйкес, биыл 15 наурызда референдум өтеді.