Тоқаев Түркітілдес мемлекеттер ынтымақтастық кеңесінің VIII саммитіне қатысады
Президент Қасым-Жомарт Тоқаев 11-12 қарашада Түркітілдес мемлекеттердің ынтымақтастық кеңесінің VIII саммитіне қатысу үшін Ыстанбұл қаласына жұмыс сапарымен барады.
Алматы, NEGE. Бұл жайында Президенттің баспасөз хатшысы Берік Уәли мәлімет таратты.
«Саммит барысында сауда, цифрландыру, жасыл технологиялар және басқа да өзекті бағыттарды дамыту мәселелері жан-жақты талқыланып, Түркі кеңесі аясында көпжоспарлы өзара ықпалдастықты нығайтудың перспективалары қарастырылмақ. Мемлекет басшысы сапар аясында бірқатар екіжақты кездесу өткізеді деп жоспарланып отыр» деп жазады Берік Уәли Facebook парақшасында.