Тоқаев Орталық Азия елдерін күш біріктіруге шақырды
Президент Қасым-Жомарт Тоқаев Орталық Азия елдерін мемлекеттер арасындағы қарым-қатынасты бұзу әрекеттеріне қарсы күресте күш біріктіруге шақырды.
Алматы, NEGE. Тоқаевтың айтуынша, Орталық Азия елдері ақпараттық кеңістікте бүкіл аймаққа зиян келтіретін келеңсіз құбылыстардың алдын алу үшін өзара іс-қимылды күшейтуі керек.
"Бұл жұмыстың мәні біздің достығымыздың мызғымастығында болуы керек. Біз мемлекетаралық және ұлтаралық араздықты қоздыру арқылы қарым-қатынасымызды бөлуге бағытталған кез келген әрекеттерге қарсы тұру үшін бірігуіміз керек", - деді Тоқаев мемлекет басшыларының IV консультативтік кеңесінде.
Тоқаевтың айтуынша, Орталық Азия БАҚ-тарында ел өңірлеріндегі жаңалықтарды жариялауда өткір ақпараттық тапшылық сезіледі.
"Бұл тенденцияны өзгерткен жөн. Бәлкім, аймақтық телеарна немесе жаңалықтар сайтын құрудың мәні бар шығар. Осы жайттарды егжей-тегжейлі зерделеу үшін Орталық Азияның тиісті ведомстволары мен ақпарат агенттік басшыларының тұрақты негізде кездесулерін өткізген тиімді болар еді", - деп қосты Қазақстан Президенті.