Тоқаев: Мерзімді әскери қызметтегі сарбаздар несиесін төлеу міндетінен уақытша босатылады
Бұл туралы Қасым-Жомарт Тоқаев Бүкілармиялық кеңес отырысы барысында айтты.
Алматы, NEGE. «Әскери қызметте «әлеуметтік лифттің» болуы маңызды. Сол арқылы жастардың қоғамнан өз орнын табуға мүмкіндік беруіміз керек. Қазір осы бағытта нақты жұмыс жасалып жатыр. Әскери борышын өтеп келген азаматтар енді жоғары оқу орнына жеңілдікпен түседі.
Мерзімді әскери қызметтегі сарбаздар несиесін төлеу міндетінен уақытша босатылады. Сондай-ақ олар өздері қаласа, армия қатарынан нақты мамандық алып шығады. Жалпы, сарбаздарды әлеуметтік қолдау шараларын мейлінше көбейту қажет», - деді Мемлекет басшысы.