Тоқаев Қырғызстанға ресми сапармен барады
Қазақстан президенті Қасым-Жомарт Тоқаев Қырғызстанға ресми сапармен баруға дайындалуда, деп хабарлады Ақорда.
Алматы, NEGE. «Мемлекет басшысы Қасым-Жомарт Тоқаев Қырғызстан Президенті Садыр Жапаровпен телефон арқылы сөйлесті. Қырғызстан Президенті Мемлекет басшысы Қасым-Жомарт Тоқаевты туған күнімен құттықтап, оған зор денсаулық және Қазақстан халқының игілігі жолындағы аса жауапты мемлекеттік қызметіне табыс тіледі. Әңгімелесу барысында қазақ-қырғыз стратегиялық серіктестігінің даму перспективалары талқыланды. Осы ретте Қазақстан Президентінің Қырғызстанға жоспарланған ресми сапарына ерекше назар аударылды», - делінген сәрсенбідегі хабарда.