Тоқаев Қазақстан порттарын Каспий теңізінің жетекші хабтарына айналдыруды тапсырды
Қасым-Жомарт Тоқаев Қазақстан порттарын Каспий теңізінің жетекші хабтарына айналдыруды тапсырды, деп хабарлады Ақорда баспасөз қызметі.
Алматы, NEGE. «Үкіметке порттарымызды Каспий теңізінің жетекші хабтарының біріне айналдыра отырып, трансформациялау жөнінде стратегиялық міндет жүктедім. Теңіз флотын нығайтып, Ақтау портында контейнерлік хаб құру қажет деген ұсыныспен толық келісемін», – деді Қасым-Жомарт Тоқаев.
Мемлекет басшысы Қазақстанның теңіз арқылы тасымалдау әлеуетін толық пайдаланған мемлекет емес екенін атап өтті. Алайда қазір заман басқа.