Тоқаев Ердоғанмен неге итжығыс түсті?
Мемлекет басшысы Қасым-Жомарт Тоқаев Түркияға ресми сапары барысында Түркия президенті Реджеп Тайып Ердоғанмен үстел теннисін ойнады. Кейбір деректер бойынша, қос президент тең түскен.
Алматы, NEGE. Қазақстандық жанкүйерлердің пікірінше, біздің президент қарсыласына қарағанда оқ бойы озық өнер көрсеткен.
«Бәлкім, мен бірдеңені түсінбейтін шығармын. Бірақ Ердоған ракетканы дұрыс ұстай алмайды. Барлық суреттен бұл анық көрініп тұр. Барлық ойын бойы осылай ұстаса, біздің президент оны оп-оңай ұтады», - дейді қазақстандық жанкүйер Андрей Андреев.
Оның айтуынша, Ердоғанның ракетка ұстасы «қытайлық» немесе «жапондық» тәсіл деп аталады.
«Меніңше, біздің президент әлдеқайда басым бола тұра, тек қана дипломатия үшін ұтпағанына сенімдімін», - дейді Андрей Андреев.
