Тоқаев Ердоғанға елші арқылы дұғай сәлем жолдады
Қазақстанның Сыртқы істер министрі Мұхтар Тілеуберді Анкарада Түркия президенті Ережеп Тайып Ердоғанмен кездесіп, Тоқаевтың жеке сәлемін жеткізді.
Нұр-Сұлтан, NEGE. Сыртқы істер министрлігі баспасөз қызметінің хабарлауынша, М.Тілеуберді Анкараға Түркияның сыртқы істер министрі Мевлюд Шавушоғлының шақыртуымен барған. Қазақстанның сыртқы саясат ведомствосының жетекшісін Түркия президенті қабылдады.
М.Тілеуберді Түркия басшысына Қазақстанның тұңғыш Президенті – Елбасы Н.Назарбаевтың Түркі тілдес мемлекеттер кеңесінің 31 мамырда Түркістанда өтетін бейресми саммитіне шақыртуын табыстап, Қазақстан Президенті Қ.Тоқаевтың жеке сәлемін жеткізді.