Тоқаев: Экономикаға радикалды реформа керек
Президент Қ.Тоқаев үкіметтің кеңейтілген отырысында Маминнің кабинетіне қарата сын айтып, батыл іс-қимылдарға шақырды.
Нұр-Сұлтан, NEGE. «Реформаларды жүзеге асыру шабандап қалғанын мойындауымыз керек. Бағдарламаларды тереңнен қаузау, бәлкім, ел экономикасына радикалды реформа керек болар. Бізге негізгі мәселелерді шешу кілті бар жаңа экономикалық бағыт қажет. Үкіметті осыған шақырамын» деді.
Шешім қабылдауда шабандық танытқан мемлекеттік аппаратты сынаған Мемлекет басшысы әрдайым шенеуніктердің тез әрі сапалы жұмыс істеуін қадағалап жүретін «бақылаушы» бола алмайтынын ескертіп, Үкіметке тиімді және жедел жұмыс істеуді тапсырды.
