Тоқаев Баталовтың жұмысын тексеретін болды

Нұр-Сұлтан, NEGE. «Сұрағым – газ тартуға байланысты. Мендегі дерек бойынша, 470 ауылдың тек 30 пайызы ғана газбен қамтылыпты. Неге бұлай?» деді Тоқаев Баталовқа қарата.

Алматы облысының әкімі «мен жұмысты бастағанда бұл көрсеткіш 9-11% еді» деп ақталғандай болды.

«Үкіметтің көмегімен Алматыдан Талдықорғанға дейін 254 шақырым газ құбырын тарттық. Одан соң өз қаржымызға Текеліге дейін жеткіздік. Енді Талдықорғаннан Үшаралға дейін тартсақ, жолай екі ауданды қамтимыз. Биыл 1,4 миллион адамға газ жеткіземіз. Бұл – облыс тұрғындарының 56 пайызы» деді облыс әкімі.

«Жылдың екінші жартысында облысқа жұмыс сапарымен барамын. Сол кезде көреміз» деді Мемлекет басшысы.