Тоқаев: «Аннекция – ауыр сөз»
Қазақстан Ресейдің Қырымды тартып алуын аннекция деп есептемейді деп хабарлайды lenta.ru сайты. Бұл туралы Deutsche Welle-ге берген сұхбатында Қазақстан президенті Қасым-Жомарт Тоқаев мәлімдеген.
Алматы. NEGE. Оның сөзіне қарағанда, аннекция – Қырым төңірегіндегі ахуалға қатысты тым ауыр сөз. Оның айтуынша, Украинадағы оқиғалар Қазақстан үкіметін үркіте алмаған. «Бізде Ресей Федерациясымен өзара сенімге құрылған тату көршілік қатынас бар. Біз бастапқыдан-ақ Ресей басшылығының ақылдылығына, адалдығына сендік», – деді Тоқаев.
