Тоқаев 17 мамырда туған күнін қалай атап өтеді?
Президенттің Баспасөз қызметіне бұқаралық ақпарат құралдарынан Мемлекет басшысы туған күнін қалай атап өтетіні туралы сұрақтар келіп түсіп жатыр, деп жазды баспасөз хатшы Руслан Желдібай фейсбук парақшасында.
Алматы, NEGE. Руслан Желдібайдың жазуынша, Президент мұндай шараларды қолдамайды. Сол себепті ешқандай іс-шара жоспарланбаған.
– Мемлекет басшысы 17 мамыр күнін жұмыс кестесіне сай өткізеді. Бұған дейін хабарлағанымыздай, бұл күні Қасым-Жомарт Тоқаевтың Қытайға мемлекеттік сапары басталады. Қазақстанда да, ҚХР-ға сапар аясында да Президенттің туған күніне байланысты ешқандай іс-шара өткізілмейді, – деп жазды Руслан Желдібай.