Тоқаев Ұлттық банк, ҰҚК және Жоғарғы сот кеңесінің төрағаларын қайта тағайындады
Мемлекет басшысы Қасым-Жомарт Тоқаев Ұлттық банктің, Ұлттық қауіпсіздік комитетінің және Жоғарғы сот кеңесі басшыларын қайта тағайындады.
Астана, NEGE. Президент жарлығымен Тимур Сүлейменов Қазақстан Республикасы Ұлттық Банкінің Төрағасы лауазымына тағайындалды. Ол бұл қызметті 2023 жылғы қыркүйектен бері атқарып келеді.
Қасым-Жомарт Тоқаевтың жарлығымен Ермек Сағымбаев та Қазақстан Республикасы Ұлттық қауіпсіздік комитетінің төрағасы лауазымында қалды. Сағымбаев бұл қызметке 2022 жылғы қаңтарда тағайындалған еді.
Мемлекет басшысы Дмитрий Малаховты Қазақстан Республикасы Жоғары сот кеңесінің төрағасы етіп қайта тағайындады. Ол бұл лауазымды 2024 жылғы қыркүйектен атқарып келеді.
Айта кетейік, Президент Адам құқықтары жөніндегі уәкіл Артур Ластаевты да өз лауазымында қалдырды.