"Тоқаев – Құрметті қонақтың бірі ": Си Цзиньпин 22 президенттің тек үшеуімен жеке кездесті

Алматы, NEGE. Журналистің айтуынша, Си Цзиньпин Қытайға келген 22 көшбасшының тек үшеуін жеке қабылдаған.

“Құрметті қонақтардың қатарында – Қасым-Жомарт Тоқаев бар. Сондай-ақ Ресей мен Үндістан басшылары да болды. Кешкі ас еркін, сенімді әрі достық жағдайда өтті, шамамен екі сағатқа созылды. “Құрметті досым” деген сөз дастарқан басында бірнеше рет айтылды, оның әрбір қимылынан қазақ делегациясына деген ерекше ықылас байқалды”, – делінген жазбада.

Әділ Балтабаев мұндай қарым-қатынастың қазіргі қазақ-қытай байланыстарының дипломатиялық сыпайылық шеңберінен әлдеқашан шығып кеткенінің көрінісі екенін атап өтті.

“Мемлекет басшысы бұл қарым-қатынасты “мызғымас” деп сипаттауы бекер емес, ал Си Цзиньпин бұл байланыстың әлемдік саясаттағы өзгерістерге тәуелді емес екенін атап өтті. Президент түрлі с-шараға қатыспақ: ШЫҰ және “ШЫҰ плюс” саммиттері, Бейжіңдегі іскерлік кеңес және жаңа келіссөздер”, – деп жазды журналист.