Тоқаев Құрылыс кодексіне қол қойды

Астана, NEGE. Бұған қоса президент «Қазақстан Республикасының кейбір заңнамалық актілеріне сәулет, қала құрылысы және құрылыс мәселелері бойынша өзгерістер мен толықтырулар енгізу туралы» заңға қол қойды.

Сенат мәліметінше, құжат сәулет, қала құрылысы және жалпы құрылыс саласындағы 25 жылдан бері қолданылып келе жатқан заңнаманы жүйелі жаңартуға бағытталған.

Айта кетейік, бұған дейін мәжіліс депутаты Мұрат Әбенов бұл заң жобасы парламентте екі жылға жуық қаралғанын атап өткен еді.

Оның айтуынша, заңдағы нормалар:

• жоспарлау мен сапаны бақылаудың цифрлық жүйелерін енгізуге;
• құрылыс компанияларының жауапкершілігін күшейтуге;
• құрылыс салушылар мен мердігерлер туралы деректердің ашықтығы мен қолжетімділігін қамтамасыз етуге бағытталған.

Алайда жосықсыз құрылыс салушылар тізілімін енгізу кейінге қалдырылған.