Тоқаев ҚХР Төрағасы Си Цзиньпинге көңіл айту жеделхатын жолдады
Мемлекет басшысы Қасым-Жомарт Тоқаев Қытай Халық Республикасының Төрағасы Си Цзиньпинге көңіл айту жеделхатын жолдады, деп хабарлайды Ақорда.
Астана, NEGE. Қасым-Жомарт Тоқаев жеделхатта Қытайдың Хунань өлкесіндегі пиротехникалық зауытта болған жарылыс салдарынан көптеген адамның қаза табуына байланысты суыт хабарды терең күйзеліспен қабылдағанын жазған.
«Президент жақындарынан айырылған отбасыларға сабыр, ал жарақат алған адамдардың сауығып кетуіне тілектестік білдірді», – делінген хабарламада.
Айта кетейік, 4 мамырда Қытайдың Люян қаласында орналасқан зауытта жарылыс болды. БАҚ мәліметінше, өндіріс орнында күшті жарылыс болып, оның соңы өртке ұласқан. Жарылыс салдарынан 26 адам қаза тауып, тағы 61 адам жараланды.