Тоқаев Қазақстанда вице-президент лауазымын қайтаруды ұсынды
Ұлттық құрылтайдың V отырысында Мемлекет басшысы Қасым-Жомарт Тоқаев Қазақстанда вице-президент лауазымын бекітуді ұсынды.
Астана, NEGE. Вице-президентті парламенттің келісімімен, депутаттардың дауыс беруі арқылы Мемлекет басшысы тағайындайды. Ал өкілеттік аясын Президенттің өзі айқындайды.
«Вице-президент Президенттің тапсырмасымен халықаралық форумдар мен шет мемлекеттердің делегацияларымен келіссөздерде Қазақстан Республикасының мүддесін, парламентте Президенттің мүдделерін білдіретіні, отандық және шетелдік қоғамдық-саяси, ғылыми, мәдени-ағартушылық ұйымдармен өзара іс-қимыл жасайтыны, Президенттің өзге де тапсырмаларын орындайтыны көзделеді», — деді Президент.
Президент жаңа қызметтің өкілеттігі Конституцияда нақты көрсетілуі тиіс екенін айтты.
