Тоқаев білім беру және балалардың құқықтарын қорғау туралы заңға қол қойды

Астана, NEGE. «Мемлекет басшысы «Қазақстан Республикасының кейбір заңнамалық актілеріне мемлекеттік наградалар, білім беру және баланың құқықтарын қорғау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды», – делінген Ақорда таратқан хабарламада. 

Заңның мәтіні баспасөзде жарияланады.

Заңның мақсаты мектепке дейінгі, орта, техникалық және кәсіптік, орта білімнен кейінгі білім беру, қосымша білім беру және балалардың құқықтарын қорғау саласындағы Қазақстанның заңнамасын жетілдіру, сондай-ақ құқықтық олқылықтар мен қайшылықтарды жою.