Тоқаев Атыраудың жаңа әкіміне қандай тапсырма берді?
Президент Қасым-Жомарт Тоқаев Атырау облысының әкімі Болат Ақшолақовты қабылдады. Кездесуде өңірдің әлеуметтік-экономикалық жағдайы мен алдағы міндеттері талқыланды.
Астана, NEGE. Облыс әкімі Мемлекет басшысына аймақтағы ірі инвестициялық жобалардың жүзеге асырылуы, мұнай-газ химиясы саласының даму барысы, әлеуметтік және инженерлік инфрақұрылым нысандарының құрылысы туралы есеп берді.
Сондай-ақ экономиканы әртараптандыру, инженерлік желілерді жаңғырту, көлік инфрақұрылымын жақсарту және өңірдегі экологиялық ахуалды оңалту мәселелері қаралды.
Бұдан бөлек, республикалық деңгейде қолдауды қажет ететін жобалар сөз болды.
Кездесу соңында Қасым-Жомарт Тоқаев Атырау облысының тұрақты дамуын қамтамасыз етуге және тұрғындардың өмір сүру сапасын жақсартуға бағытталған бірқатар тапсырма берді.
Еске салсақ, 17 шілдеде Қасым-Жомарт Тоқаев Болат Ақшолақовты Атырау облысының әкімі лауазымына тағайындады. Бұған дейін ол энергетика министрі, Президенттің кеңесшісі, KAZENERGY қауымдастығының төрағасы болған.