Той кезінде қайтыс болған қалыңдықтың орнына оның әпкесі тұрмысқа шықты
Жаңа ғана некесін қидырған жас келіннің кенеттен денсаулығы нашарлап, үйлену тойы кезінде көз жұмды.
Алматы, NEGE. Үндістанда үйлену тойы кезінде ерекше оқиға болды: жас жігіт қалыңдығының әпкесімен некесін қидырды. India.com сайтының хабарлауынша, үйлену тойы қызған шақта, жас жұбайлар отты айналып жүру рәсіміне дайындалып жатқанда қалыңдықтың кенеттен денсаулығы нашарлаған. Ол еденге құлап, артынша қайтыс болған. Қыздың көз жұмғанын анықтаған дәрігер оның жүрегі тоқтап қалғанын айтыпты. Алайда ата-аналар күйеу жігітті қайтыс болған қалыңдықтың әпкесіне тез арада үйлендіруге шешім қабылдаған.
