Төбелестің салдарынан 9-сынып оқушысы қаза болды
Баланың өліміне 17 жастағы жасөспірім кінәлі болуы мүмкін деген күдікпен, оны үйқамаққа алған.
Алматы, NEGE. Қызылорда облысында жасөспірімдердің төбелесі адам өліміне себеп болды. 17 жастағы жасөспірім тоғызыншы сынып оқушысын соққыға жығып, салдарынан оқушы көз жұмған. Облыстық полиция департаментінің баспасөз қызметі кәмелетке толмаған баланың қаза тапқаны туралы ақпаратты растады.
Оқиға фактісі бойынша сотқа дейінгі тергеу басталды. Қазіргі уақытта қажетті тергеу әрекеттері жүргізіліп, полиция барлық материалдарды зерттеп жатыр. Күдікті уақытша ұстау изоляторына қамалды. Осы қылмысқа қатысы бар басқа екі адамға қатысты бұзақылық фактісі бойынша қылмыстық іс қозғалды, оларға қатысты сот үй қамағына алу түріндегі бұлтартпау шарасын таңдады, – делінген ведомство мәліметінде.
