16 Шілде 14:30
Тимофей Скатов ATP 250 турнирінің негізгі кезеңіне өтті
![Тимофей Скатов](/static/img/plug.jpg)
Тимофей Скатов Швецияда өтіп жатқан ATP 250 турнирінің негізгі кезеңіне өтті, деп жазады Olympic.kz.
Алматы, NEGE. Қазақстандық теннисші іріктеу сайыстарының финалында әлемнің 153-ракеткасы, италиялық Андреа Пеллегринодан басым түсті.
Скатов қарсыласын 6:4, 6:1 есебімен тізе бүктірді.
Тағы бір қазақстандық Денис Евсеев іріктеу сайыстарының финалында франциялық Мануэл Гинармен ойнайды.
15-21 шілде аралығында өтетін Бостад додасының жүлде қоры 651 865 еуроға бағаланған. Жарыс жеңімпазы 88 125 еуроға қоса 250 рейтингілік ұпайға ие болады.