Тимати Black Star-дан кетті
Ресейлік орындаушы Тимати Black Star лейблынан шығатынын мәлімдеді.
Алматы, NEGE. 27 шілдеден бастап Тимати «толық каталогы және сауда белгілері бар тәуелсіз агент» болды. Орындаушының енді компанияға қатысы жоқ және оның әртістерімен айналыспайды. Алайда бірнеше жобадағы құрылтайшылық үлесі мен құқықтарын сақтап қалды, қазір үш компания оның жауапкершілігіне өтті.
«Маған келер болсақ, мен бұрыннан бәрін өзгерткім келген... Мені үлкен өзгерістер күтіп тұр және одан толқу сезіледі», – деп жазды Тимати Instagram-да.
Қазір Black Star-да Клава Кока, Мот, Миша Марвин, Дана Соколова, сондай-ақ «Песни» жобасының әртістері жұмыс істейді, олардың қатарында қазақстандық Nazima да бар.