Тікұшақ апатынан қаза тапқан Қазавиақұтқару қызметкерлерінің аты-жөндері белгілі болды
Батыс Қазақстан облысы Бәйтерек ауданындағы Чапурино кентінің ашық аумағында "Атырау-Орал-Атырау"бағыты бойынша ұшқан ТЖМ Қазавиақұтқару тікұшағы апатты жағдайда қонды.
Алматы, NEGE. Қатты екпінмен қону нәтижесінде ТЖМ Қазавиақұтқару төрт қызметкері қаза тапты. ТЖМ қаза тапқандардың аты-жөндерін атады. Олар ұшқыш-нұсқаушы Дәулетбай Қанатов Сабырбайұлы, екінші пилот Владимир Афанасьев Константинович, аға борт механик-нұсқаушы Сиязбек Андосов Шажалиұлы және жетекші инженер Жәрдем Доскалиев Қуанышқалиұлы.
«ТЖМ ұжымының атынан 2023 жылғы 23 ақпанда Батыс Қазақстан облысының аумағында авиациялық оқиға кезінде қаза тапқан әріптестеріміздің туыстары мен жақындарына қайғыра көңіл айтамыз», - деп жазылған хабарламада.