Тергеуге алынған Қостанай облысы әкімінің орынбасары қызметінен босатылды

Астана, NEGE. Бұл жөнінде облыс әкімі Құмар Ақсақалов мәлімдеді, деп жазады «ТоболИнфо» желілік басылымы.

«Гүлбарам Мұсағазинаға қатысты сотқа дейінгі тергеп-тексеру басталғаны туралы ақпарат тарағанын білесіздер. Қазіргі уақытта тергеу амалдары жүріп жатыр. Қолданыстағы заңнамаға сәйкес, мемлекеттік органдар тергеу барысына араласуға және оған қандай да бір баға беруге құқылы емес. Барлық мән-жай объективті әрі жан-жақты қаралады деп сенемін», – деді ол.

Айта кетейік, таяуда Қостанай облысы әкімінің орынбасары Гүлбарам Мұсағазина ұсталып, уақытша ұстау изоляторына қамалғаны туралы ақпарат тарады. Желідегі ақпаратқа қарағанда, 11 ақпан күні кешке Мұсағазина Сыбайлас жемқорлыққа қарсы қызметке әңгімелесуге шақыртылғанда, кабинетте ұсталған.