Тепличное ауылында су тасқынына қарсы шаралар жалғасып жатыр
Солтүстік Қазақстан облысы Қызылжар ауданының Тепличное ауылында су тасқынына қарсы іс-шаралар тәулік бойы жүргізілуде.
Алматы, NEGE. Азаматтардың өмірі мен денсаулығын қорғау мақсатында ауылда алдын ала эвакуация жүргізу туралы шешім қабылданды.
Құтқару бөлімшелері құрамында жұмыс істейтін сүңгуір қызметінің қызметкерлері арнайы пленка қолданып, бөгетті нығайту жұмыстарын атқаруда. Бұл шаралар желдің күшеюі мен толқындардың әсерінен қорғаныс құрылыстарының бұзылу қаупіне байланысты қолға алынған.
Сүңгуірлер жергілікті тұрғындар мен олардың мүлкін қорғауды қамтамасыз етіп, өз міндеттерін кәсіби әрі үйлесімді орындап жатыр.
Құтқарушылар апаттың ықтимал салдарын болдырмау үшін бөгеттерді күшейту жұмыстарын үздіксіз жалғастыруда.
