Дүние
«Тепкілеп, қораға шығарған»: 21 жастағы келіншектің мәйіті табылды
Өзбекстанда 21 жастағы келіншек өзіне қол жұмсаған, деп хабарлайды inbusiness.kz.
Алматы, NEGE. Істің мән-жайы оқиғаға бей-жай қарамаған жергілікті блогердің араласуымен белгілі болды. Оның хабарлауынша, алғашында отбасындағылар "әйел өзіне қол жұмсады" деген. Бірақ сот сараптамасы келіншекті басқа адамның өлтіргенін анықтады. Нәтижесінде күйеуі айыпты деп танылды.
"Қызымның мәйіті үшін де ақша араласып жатыр. Қызымды олар ұрып, қораға шығарып жіберген. Біз барғанда олар қызымды "асылып қалды" деді.Бірақ оның денесіндегі жарақаттар қатты соққыдан болған",- дейді марқұмның анасы.
Айта кетейік, келіншектің туыстары өлімге басқа да адамдардың қатысы бар деп есептейді.