25 Тамыз 16:56
Теміртауда жұмысшылардың өліміне байланысты тергеу шаралары басталды
Теміртаудағы металлургия комбинатта екі жұмысшының қаза табу фактісі бойынша сотқа дейінгі тергеу шаралары басталды.
Алматы, NEGE. 25 тамызда таңертең «Qarmet» АҚ-тың металлургиялық комбинаты аумағында шатырды бөлшектеу жұмыстары кезінде 2 жұмысшы қаза тапқан болатын.
«Болған жазатайым оқиға фактісі бойынша ҚР ҚК-нің 156-бабы, 4-бөлігі, яғни «Екі немесе одан да көп адамның абайсызда өліміне әкеліп соққан еңбекті қорғау ережелерін бұзу» бойынша сотқа дейінгі тергеу шаралары қолға алынды», – деп хабарлады Қарағанды облысы полиция департаментінің баспасөз қызметі.
