Теміртауда есірткіні жарнамалайтын 3 мыңнан астам граффити жазу өшірілді
Акцияға 500-ден астам ерікті, полиция және күзет ұйымдарының қызметкерлері қатысты.
Теміртау, NEGE. Іс-шараға қатысушылар 5 адамнан тұратын 100 топқа бөлініді. Әр топ жұмыс атқару үшін өздерінің маршруттық карталарын алды. Нәтижесінде бір күнде 3 мыңнан астам жазу мен заңсыз жарнамалық сурет өшірілді.
– Осы жылдың 15 шілдесінде Теміртау қаласының полиция қызметкерлері есірткі сайттарын жарнамалап, граффити жазуларды түсіргені үшін Қарағанды қаласының 39 жастағы тұрғынын ұстады. Полиция ұсталған адамның қаланың жеті көшесіндегі 36 үйге 186 граффити жазба қалдырғанын анықтады. Қазіргі уақытта оған қатысты қылмыстық іс қозғалды, тергеу жүргізіліп жатыр, – деді Қарағанды облысы полиция департаменті бастығының орынбасары Әбіл Әбілдин.
