15 Ақпан 10:22
...
Теміртауда дүкенде газ жарылып, бір адамның денесі табылды
Теміртауда екі қабатты дүкенде газ жарылды, деп хабарлады ТЖМ.
Алматы, NEGE. 15 ақпанда сағ.08.06-да Теміртау қаласы Ватутин көшесінде 2 қабатты дүкен ғимаратында газ жарылғаны туралы хабарлама келіп түсті. Дүкеннің 2 қабатты ғимаратта қирау болғаны, жанғаны анықталды.
Зерттеу және барлау барысында зардап шеккендердің орналасқан жері алдын-ала анықталды. Үйінділерді бөлшектеуге кірісті.
Жұмыстарға ТЖД жеке құрамынан 17 адам, 5 бірлік техника жұмылдырылды. 23 адам, оның ішінде 5 бірлік техника оқиға орнына жетті.
Соңғы дерек бойынша, оқиға орнынан әйел адамның өлі денесі табылды.
«Сағат 09.49-да үйіндінің астынан әйел адамның денесі шығарылды. Жедел жәрдем бригадасы өлім фактісін анықтады», – делінген хабарламада.
