Теміртауда 20 жастағы жігіт ата-анасын өлтірді деген күдікпен ұсталды
Жантүршігерлік оқиға 7 қазанда Теміртау қаласында болды. Қаладағы Республика даңғылында орналасқан пәтерлердің бірінен 52 жастағы ер адам мен 49 жастағы әйелдің мәйіті табылды.
Астана, NEGE. Қарағанды облыстық полиция қызметі бұл факт бойынша «Адам өлтіру» бабымен қылмыстық іс қозғалғанын хабарлады.
«Жедел-іздестіру шаралары барысында полиция қызметкерлері қаза тапқандардың 20 жастағы ұлын анықтап, ұстады. Ол осы қылмысты жасады деген күдікке ілінген», – деп хабарлады ведомство.
Күдікті уақытша ұстау изоляторына қамалды. Тергеу мүддесіне сәйкес полиция өкілдері қылмыстың мән-жайын ашып айтқан жоқ.
Қазіргі уақытта тергеу амалдары жүргізіліп жатыр.