Темірлан Анарбековке қатысты жақсы жаңалық жарияланды
Алматыдағы қарымта ойында Анарбеков бес ғажайып сейв жасап, одан кейін пенальти сериясында «Селтик» ойыншыларының үш соққысын қайтарды.
Алматы, NEGE. «Қайрат» футбол клубының қақпашысы Темірлан Анарбеков жарақатынан айығып, қатарға қосылды, деп хабарлайды клубтың баспасөз қызметі.
«Темірлан Анарбеков жалпы топпен бірге жаттығуға қайта кірісті», - деп жазылған «Қайраттың» инстаграмдағы парақшасында.
21 жастағы «Қайрат» қақпашысы Темірлан Анарбеков Чемпиондар лигасының плей-офф кезеңінде «Селтикпен» қарымта матчтың басты қаһарманы атанып, алматылық клубтың тарихи жетістікке жетуіне көмектескен болатын. Алайда артынша «Ақтөбеге» қарсы ойында ауыр жарақат алды. Қақпашының жақ сүйегі сынып кеткен. Осы жағдайдан кейін «Қайраттың» қақпасын 18 жастағы Шерхан Қалмырза қорғады. Шерхан да ерекше көзге түсіп, жанкүйерлердің ыстық ықыласына бөленді.
Қазір оқып жатыр
Спорт министрлігі: «Асаубаеваның дайындығына 2026 жылы 100 млн теңге бөлінді»
«Ақ үйде досыңыз бар деп айта аламын»: Тоқаев Трамптың арнайы өкілімен кездесті
2025 жылға арналған барлық әлеуметтік міндеттеме орындалды – Мәди Такиев
Шахматшы Бибісара Асаубаева Спорт министрлігіне шағымданып Тоқаевтан көмек сұрады
